“Менің тосын сыйым бар, 22 сәуір күні күтіңіздер!”. Димаш жанкүйерлеріне осылай деді
Димаш Құдайберген әлеуметтік желіде өзінің жанкүйерлері мен барша қазақстандықтарға тосын сыйы бар екенін жазды.
Димаш Instagram-дағы жеке парақшасында «Singer» байқауының гала-концертіне қатысатыны туралы жаңалығымен бөлісті.
«…Менің жанкүйерлерім! #TheSinger жобасының 22 сәуір күні тікелей эфирде дайындаған тосын сыйы бар, Сіздерге! Дәл осы күні Сіздермен Гала концертте кездесемін! Жобаның аяқталғанына уайымдап жүрген жанкүйерлерім үшін бұл тағы бір ұмытылмас күн боларына сенімдімін! Әдемі ән тыңдап, жоба қатысушыларымен тағы бір мәрте жүздесе аласыздар!!! Кездескенше!», – деп жазды ол.
Естеріңізге сала кетейік, Димаш Құдайберген Қытайдың Хунань телеарнасының «Singer 2017» ән байқауының ақтық бәсекесінде ІІ-орынды жеңіп алды. Гонконг қаласының тумасы Лин Илиан (Sandy Lam) І-орынға, ал тайваньдық “Арыстан” (Lion) тобы ІІІ-орынға қол жеткізді. Өнер додасы 15 сәуір күні мәресіне жеткен болатын. Сондай-ақ, танымал Hunan TV телеарнасы Қытайда ғана емес, бүкіл әлемдегі миллиондаған жанның көзайымына айналған дарынды әнші Димаш Құдайберген туралы деректі фильм түсіріп, көрермендер назарына ұсынғаны мәлім болды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз