Елдің көзайымына айналған жас отбасы Аша Матай мен Арман Қоңырбаев жақсы жаңалықтарымен бөлісті.
Бұл туралы 31 арнаның “Айта берсін” бағдарламасында айтылды.
Жақында әнші Арман Қоңырбаев отандық киімдер брендінің таныстырушысы болып тағайындалды. Аша Матай жұбайының мұндай жетістігімен мақтанып, Қазақстанда бұрын-соңды мұндай жағдай болмаған деп атап өтті.
“Мен бұл жаңалықты жақсы қабылдадым. Оның үстіне, отандық өнімді қолдауға әрдайым дайынмын. Арманның өзі жарқын түсті киімдерді аса ұната бермейді. Көбінесе сұр, қара, ақ түсті киімдер киеді.
Қазақстандағы ер адамдарымыз брендтің таныстырушысы болып көрмеген. Сол себепті, мұны бұрын-соңды болмаған жайт деп айта аламын. Мысалы, маған ұсыныстар көп түсті. Мұндай нәрсе қыздар үшін қалыпты жағдай.
Ал Арман үшін қатты қуанып тұрмын. Бұл “Арман – мықтылардың мықтысы” деген сөз ғой”, – деп күлді Аша Матай.