“Менікі екеніңді дәлелдеші”. Жігітінің диплом алу рәсіміне қатысқан қыз қатты састы (фото)

18 маусым 2017, 17:30

278

Офицерлік вальс кезінде курсант Асхат Сайрамбаев жұп болып билеп жүрген сүйіктісі Әйгерімге күтпеген жерден: “Маған тұрмысқа шығасың ба” деп қолқалап, ұсыныс жасады. Бойжеткен басында сасып қалғанымен, көпшіліктің алдында ер-азаматты ұятқа қалдырмай, өз келісімін берді. Жігіт бірден сол арада оның саусағына жүзік салды.

Айта кетелік, бұл жиында – ҚР Ұлттық ұлан Әскери институтында салтанатты жағдайда 209 түлекке диплом мен лейтенаттық погондар тапсырылды. Оның алтауы әскери институтты үздік бітірді, ал тағы бір түлекке “Әскери оқу орнын үздік бітіргені үшін” төсбелгісі табыс етілді.

Баспасөз қызметі хабарлағандай, барлығы 20 жылда Әскери институт ел әскері үшін 3100-ден офицер дайындап келген.