Алматыда № 63 автобустың жолын кесіп жантүршігерлік апат ұйымдастырған Әуезов ауданы прокурорының көмекшісі Бекзат Бөшен Mercedes Gelandwagen көлігінің өзінікі емес екенін айтты. Оның сөзінше көлікті базарда сауда жасайтын ағасынан сұрапты, ал өзі Мицубиси Галантпен жүреді екен.
Бұл туралы ол TengrinewsTV-ге берген сұхбатында айтты.
Gelandwagen көлігінде Бекзат Бөшеннің екі жасар баласы болған. Қазір ол жансақтау бөлімінде жатыр. Көлік апаты салдарынан 17 адам зардап шекті, олардың сегізі ауруханаға жатқызылды.
Ал sputniknews.kz-ке берген сұхбатында Әуезов ауданы прокурорының көмекшісі былай депті:
“Мен көрген жоқпын, бұрылған кезімде автобус болған жоқ. Мен алдында отырған ұлымның өмірін қатерге тігіп қайтемін? Не болғанын білмеймін, мен ол автобусты көрген жоқпын. Ешкімді алдағым келмейді. Мен айнаға қарадым, жеңіл көлік алдымнан өтті… Қалай болғанын білмеймін, бірақ ол өтіп кетті, мен оны өткіздім. Мен бұрылдым, сол кезде соққы сездім. Бәлкім байқамаған болармын. Мен автобус болса ешқашан бұрылмас едім”.
https://youtu.be/Mhqj2dLxzgo
https://kaz.365info.kz/kedejliktin-khorlygyn-aj-ajelim-bir-bajdyn-konildesine-ajnalypty-251039