Мектеп бағдарламасына әлемдік діндер туралы жаңа оқулық енгізіледі
Мектеп бағдарламасына “Қоғам және дін” жаңа оқулығын енгізу жоспарланып отыр, деп хабарлады ҚР Дін істері және азаматтық қоғам министрі Нұрлан Ермекбаев.
Жаңа оқулық келесі оқу жылында шығарылатын болады, деп хабарлады Sputnik.
“Білім министрлігімен бірге жаңа оқулық әзірленіп жатыр. Әзірге оның атауы — “Қоғам және дін”. Оқулық мектеп бағдарламасына енгізілетін болады. Оқулықта әлемдік діндер, мемлекеттің зайырлы негіздері жөнінде ғылыми тұрғыда берілетін білім контенті күшейтілген”, — деді Ермекбаев үкіметте өткен баспасөз мәслихатында.
“Батыс облыстарының бірінде, сонымен қатар Жамбыл, Қызылорда және Шығыс Қазақстан облыстарында дінтану мамандығын ашу мәселесі қарастырылып жатыр. Бұл теріс ағымдардың таралу қаупі бар өңірлерде зайырлы дін мамандарын дайындауға мүмкіндік береді”, — деп түйді сөзін Ермекбаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе