Мәжіліс жауапқа тартуды талап етіп отырған министр Аймағамбетов туралы не білеміз?

Министр болған тарихшы

Асхат Қанатұлы Аймағамбетов 1982 жылы Қарағанды облысының Ақсу-Аюлы ауылында дүниеге келген. 2003 жылы Е.Бөкетов атындағы ҚарМУ-ді бітіріп, тарихшы және тарих пәнінің мұғалімі ретінде білім алды. Үш жылдан кейін Қарағанды «Болашақ» өзекті білім беру институтын бітіріп, дипломды заңгер болды.

Болашақ министр еңбек жолын туған жеріндегі ҚарМУ-де бастады, онда 2002-2004 жылдары жұмыс істеді. 2004-2005 жылдары «Аңсар жастар лигасы» қоғамдық бірлестігін басқарды,  «Медиа БК» компаниясының директоры болды (2006 жылға дейін). Кейін Аймағамбетов оқытушы ретінде  альма-матерге оралды. 2012 жылға қарай саясаттану және әлеуметтану кафедрасының доценті мәртебесіне ие болды. Сол жылы Аймағамбетовтың мемлекеттік қызметкер ретіндегі мансабы басталды: ол Қарағанды облысы Нұра ауданы әкімінің орынбасары лауазымына орналасып, әлеуметтік мәселелерге жетекшілік етті. Содан кейін 2014 жылы аймақтың білім басқармасын басқарды, ал 2017 жылы ол орталық билік органдарында жұмыс істей бастады — және бірден Білім және ғылым вице-министрі болды.

2019 жылдың маусымында ол үш айдан астам уақыт бойы білім беру салсын басқарған  Күләш Шәмшидинованың орнына  БҒМ басшысы болды. Аталған лауазымдардан басқа Аймағамбетов 2003-2012 жылдары Қарағанды мәслихатындағы екі шақырылымның депутаты болды.

Үйленген,  Әлихан атты ұлы бар.

Плагиатты іздеу жолында

Қашықтықтан оқыту төңірегіндегі наразылық толқыны — министр Аймағамбетовтың тұсындағы алғашқы жанжал емес. Өткен жылы оның орынбасары Фатима Жақыпова докторлық диссертация жазу кезінде плагиатқа жол бергені үшін сотталды. Ол осы үшін вице-министр лауазымынан кетті. Осындай себеппен жауапты хатшы Арын Орсариевті де жұмыстан шығарды, бірақ Аймағамбетов қызметте қалды.

Кейін МОН-ның бұрынғы шенеунігі Анар Қайырбекова министрдің өзін плагиат жасады деп айыптады. Оның айтуынша, 2009 жылы жазылған шығармаға 10 жылдан кейін өзгеріс енгізілген. Алайда, плагиаттың анықталуын электронды жүйе жұмысындағы ақаумен байланыстырды. Бағдарлама жұмыстағы кейбір дәйексөздердің жұмыстың өзінен әлдеқайда кешірек жарияланған материалдардан «ұрланғанын» көрсетті.

Аймағамбетов бұл іске қатысты  БАҚ-та толыққанды пікір білдірмеді, тек  Қайырбековаға тағылған айыптың шынайылығы сотта анықталатынын айтты:

— Сот бұл мәселені шешеді. Мен сіздердің қазір көбірек ақпарат алғыңыз келетінін түсінемін, бірақ мен мұндай сұрақтарға жауап беруім орынсыз деп санаймын. Сот нүктесін қояды, тиісті шешім қабылданады, — деді министр бір жарым ай бұрын.

Ұстаздардың проблемалары

Аймағамбетовты жаңартылған бағдарлама мен оқушылардың білімін БЖБ, ТЖБ түрінде бағалау жүйесіне қатысты да сынға алды. Сондай-ақ мұғалімдердің мәртебесін төмендету және мектептердегі сыбайлас жемқорлық туралы көп айтылды, бірақ біраз уақыттан кейін жанжал жойылды.

— Осы ролик барысында көтерілген мәселелер (жұмысындағы қиындықтар туралы айтқан Көкшетау қаласының мұғалім —. ред.), қоғамда әртүрлі реакция тудырды, адамдар видеоны қызу талқылай бастады. Мен қазір осы материалдың мазмұнына баға бермеймін. Әр мұғалім мен ата-ананың өз пікірін білдіруге құқығы бар екенін түсіну өте маңызды. Біз осы ұсыныстар мен ескертулерді тыңдауға міндетіміз — деді министр.

Аймағамбетовтың ойындағы «Үлкен плюс»  

Көктемде коронавирус індеті Қазақстанға келіп, оқушыларды үйлеріне жіберді. Балалар теледидар мен интернет (егер бар болса) арқылы оқуға мәжбүр болды, ал карантинге жабылған ата-аналар корвалол ішіп, педагогиканың қыр-сырын зерттеді. Дегенмен, Аймағамбетов бұл мәселе бойынша оптимистік және тіпті философиялық пікір білдірді:

— Бұған дейін кейбіреулер: «балаларды оқыту қиын емес, мен де оқыта аламын» деп ойлады. Бірақ қазір ата-аналар баласымен жалғыз қалып, оқу процесінде оларға көмектесуге мәжбүр болған кезде, менің ойымша, мұғалімдердің жұмысының қиындығын, маңызын,  жеке тәсілдерді қажет ететінін түсінді. Бұл да өте үлкен плюс, менің ойымша, біздің бүкіл қоғамымызға үлкен сабақ болды.

Депутаттар Білім министрін жауапқа тартуды талап етіп отыр

Өткен оқу жылы да сәтсіздіктермен аяқталды, жаңа циклге дайындалу үшін БҒМ-де жазда үш ай уақыты болды. Шілде айының ортасында-ақ: қыркүйек айында оқушылар парталарына орала алмайтыны түсінікті болды. Алайда, балалар мен ата-аналардың айтуынша, қашықтықтан оқыту сәтсіздікке ұшырады,  мұндай білімнің құны жоқ деген пікір қалыптасты. Нәтижесінде, қазақстандықтар коронавирустың таралу қаупіне қарамастан, әдеттегі оқыту түріне оралу туралы өтінішке жаппай қол қоюда.

Әлеуметтік, экономикалық және инфрақұрылымдық сипаттағы басқа проблемалар да әшкере болды. Республикада Интернет туралы естімеген аудандар да бар. Отбасылардың көбі қымбат компьютерлер мен смартфондар сатып ала алмайды, бірақ ZOOM-дағы онлайн-сабақтарға қолжеткізген  «бақытты» адамдар үнемі порно көріп, былапыт сөздерді тыңдауға мәжбүр.

Бұл кемшіліктердің барлығын Мәжіліс депутаттары байқады, олар БҒМ мен жеке Аймағамбетовтан ведомствоның қызметі, бюджет қаражатын пайдалану туралы есеп беруді және «неліктен тағы да сәтсіздікке ұшырадық?» деген  басты сұраққа жауап беруді талап етеді.