Мынау қызық болды ғой! Маңғыстауда мүгедек балаларға арналған интернат қызметкерімен ұрысып, ыдыс-аяқ лақтырған директор қатаң сөгіс алды. Алайда ол жарты жыл ішінде тағы да шу шығарса, жұмысынан босатылатын болады, деп хабарлайды КТК арнасы.
«Даудың туындауына директор Қаракүшікова мен бала күтуші Аманова арасында бұрыннан жалғасып келе жатқан кикілжіңнің себеп болғаны анықталды.
Орталық директоры Қаракүшікова өзіне жүктелген лауазымды міндеттерді талап еткен.
Алайда, директор тарапынан басшыға тән емес, моральдық нормалар аясынан шығатын дөрекілікке орын берілген», – дейді Маңғыстау облысы жұмыспен қамтуды үйлестіру және әлеуметтік бағдарламалар басқармасы жетекшісінің орынбасары Мәншүк Тілеуқұлова.
Естеріңізге сала кетсек, Маңғыстау балалар психоневрологиялық мектеп-интернатында жалпы тексеріс жүргізілген еді.
Бұған бала күтуші мен директордың арасында болған дау-жанжал себеп болды. Түн ортасында жоспардан тыс тексеріс жасап, бала күтушілердің ыдыс-аяқтарын сындырып, талқандаған басшының шектен шыққан әрекетін интернат қызметкерлері видеоға түсіріп алған.
https://kaz.365info.kz/baskha-erkekter-kharap-zhyr-khajrat-nyrtas-khajtadan-zharyn-yjden-shygarmaj-zhyr-eken-video-323495