Маржан Арапбаева: Тапанша ұстап, тойда ән салғам
Хабар арнасындағы “Тікелей эфир” бағдарламасына қонақ болып келген Маржан Арапбаева тойдағы қызық оқиғаларының бірімен бөлісті. Әншінің айтуынша, қаладағы сүндет тойлардың біріне барғанда қолына бейтаныс кісі тапаншасын ұстатып қойып,әншіні ары-бері жұлқылап билеген.
Бұл туралы NUR.KZ хабарлайды.
“Сүндет тойға барғанмын, ол жерде “Тәттім -ау” деген бір әнді айтып жатырмын. Өзімнің дәстүрім бойынша мен жарықтың ақ-сары, қызыл-жасыл болып тұрғанын ұнатамын. Сөйтіп халық шығып билесін деп ойымда ештеңе жоқ әнімді айтып тұрмын, қап-қараңғы бәрі билеп жатыр.
Бір уақытта билеп тұрды да қолыма ауыр бір затты бере салды. Қарап қалсам қап-қара тапанша, өзі өте сондай ауыр. Соны ұстатып қойып, ары қарай билеп жүр”,- дейді әнші.
Қолындағы шынайы тапаншаны көргенде Маржан сасқалақтап қалғанын айтты. Кейіннен әншінің қолындағы тапаншасын байқап қалған қонақтардың бірі оны иесіне қайтартып алдырған.
“Бір үлкен кісі жаныма жүгіріп келді. Басында бөрігі бар, ұлттық киімдегі ата жаңағы тапаншаның иесіне барып: “ал” деді. Жаңағы жігіт қолымнан тапаншасын алып, беліне қайта қыстырып қойды”,- деді Маржан Арапбаева.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе