Марбург вирусы: Денсаулық сақтау министрлігі дабыл қақты

Марбург вирусы тудырған жаңа қауіпті инфекцияның өршуі туралы ескертуге байланысты Қазақстанды эпидемиологиялық жағдайды бақылау күшейтілді.

ҚР Денсаулық сақтау министрлігінің сайтында Дүниежүзілік денсаулық сақтау ұйымының Марбург вирусының өршуі туралы ескертуіне байланысты эпидемиологиялық жағдайды бақылауды күшейтілгені жөнінде ақпарат жарияланды.

«Денсаулық сақтау министрлігі Дүниежүзілік денсаулық сақтау ұйымының жаңа қауіпті инфекция – Марбург вирусының өршуі туралы ескертуіне байланысты эпидемиологиялық жағдайды бақылауды күшейтуде», – деді Бас мемлекеттік санитариялық дәрігері Сархат Бейсенова.

Денсаулық сақтау министрлігінің хабарлауынша, аурудың клиникалық көріністері вирусты жұқтырғаннан кейін 2-21 күннен кейін пайда болады.

«Марбург вирустық ауруы – адамдарға да, басқа приматтарға да әсер ететін сирек кездесетін, ауыр вирустық геморрагиялық қызба. Вирус табиғатта жарқанаттарда кездеседі және жарқанаттардан адамдарға берілуі мүмкін.Марбург қызбасының табиғи ошақтары – Оңтүстік, Батыс және Орталық Африка елдері: Оңтүстік Африка (Оңтүстік Африка Республикасы), Габон, Судан, Конго Демократиялық Республикасы, Либерия, Гвинея, Зимбабве, Кения», – делінген хабарламада.

Сондай-ақ Денсаулық сақтау министрлігі қазақстандықтарға эндемиялық елдерге барған кезде мынадай профилактикалық шараларды сақтауды ұсынады:

• жұқтырған адамдармен байланыста болудан аулақ болу;
•  Африка жунглиінде кездесетін жабайы жануарлардан сақ болу;
• жергілікті жануарлардың нашар қуырылған етін жемеу;
• мысырлық жарқанаттардың көп саны – вирустың асимптоматикалық тасымалдаушылары бар үңгірлер мен шахталарға бармау;
• аурудың белгілері пайда болған кезде дереу медициналық көмекке жүгіну; жеке гигиена ережелерін сақтау.

Аурудың негізгі белгілері: қызу көтерілу, тамақ ауруы, бөртпе, іштің ауыруы, мұрыннан және көзден қан кету.