Астаналықтар жаппай уланудан аман қалды. Елорда базарларының бірінде сараптама кезінде қарбыздан құрт шықты, деп хабарлайды КТК.
Желіде тараған видеода ақ халатты әйел «Алаш» базарында ОҚО-дан жеткізілген қарбыздарды кесіп, оның жеуге жарамсыздығын көрсетеді.
“Бұл оқиғадан хабардармыз. Анықталған карантинді паразитке жататын қауын құрты. Бақша дақылдарына көп түседі. Еліміздің оңтүстік өңірі және жалпы Орталық Азияда кеңінен тараған. Министрлік құрт түскен қарбызды басқа базарларға тарауының алдын алып, толық жойды”, – дейді ҚР АШМ Агроөнеркәсіптік кешендегі мемлекеттік инспекция комитетінің төрағасы Ержан Айнабеков.