“Түрмеден шығып алды”. Мақсат Үсеновтің әкесі рақымшылыққа ілінді
“Астана ЭКСПО-2017” құрылыс департаментінің бұрынғы басшысы Қажымұрат Үсенов және ҚР Ауылшаруашылығының экс вице-министрі Мүслім Өміряев рақымшылықпен босап шықты.
Бұл туралы ҚР ІІМ Қылмыстық атқару жүйесі комитетінің баспасөз қызметі хабарлады.
Қажымұрат Үсенов 2016 жылдың маусымында 2 жылға сотталған болатын. Комитет өкілдері Қажымұрат Үсеновке “ҚР Тәуелсіздігінің 25 жылдығына байланысты рақымшылық жасау туралы” заңға (Жазадан босатылатын адамдар “елуге толған және одан жоғары жастағы әйелдер, алпыс үшке толған және одан жоғары жастағы ер адамдар”) сәйкес рақымшылық жасалғанын айтып өтті. (Қажымұрат Үсенов 62 жаста).
Еске сала кетейік, осыған дейін Астанада “Астана ЭКСПО-2017” компаниясынан қаражат жымқыру ісі бойынша 12 сотталушының айыпты мойындау туралы істің аяқталғаны жайлы хабарланған болатын. Қажымұрат Үсенов ұлттық компаниядан 2014 жылдың қаңтарында баласы Мақсат Үсеновтің көлікпен алты адамды қағуы жайлы дауынан кейін қызметтен кеткен еді.
Сондай-ақ 2014 жылы 10 жылға сотталған ҚР ауылшаруашылығы экс вице-министрі Мүсілім Өміряев те болды. Кезінде оған 100 мың доллар көлемінде пара алды деген айып тағылған еді. Ол 2017 жылдың қаңтарында босап шықты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе