Шымкент қаласындағы Әл-Фараби ауданының әкімі тұрғындармен кездесуді қымбат мейрамханада өткізгенді жөн көріпті. “Ай-Ғасыр” мейрамханасына шақырылған тұрғындардың алдына табақ-табақ ет және тәттілер қойылған.
Бұл туралы Nur.kz хабарлады.
Кездесуге тұрғындардан бөлек зиялы қауым өкілдері де келген.
Ауданның жаңа әкімі орам, көше, үй басқарушыларымен жақын танысып, ардагерлердің батасын алуды құп көрген.
Кездесуде аудан ақсақалы Нұрғали Нұртаев бата беріп, Абдул Хамит Қаттани мешітінің наиб имамы Анарғали Керімбеков құран оқыған.
Әкімнің тұрғындармен кездесуі бұл жолы айрықша өткен.