Мұның бізге не керегі бар?
Қазақстан президенті Нұрсұлтан Назарбаев Мәскеу мен Анкараның Сириядағы соғысушы тараптар арасында бейбіт келіссөзді Астанада өткізу жөніндегі бастаманы қолдаған. Ол Астанадан келіссөз алаңын ұсынуға дайынмын деген. Бұл жөнінде Ақорданың баспасөз қызметі хабарлайды.
Мұндай ұсыныс Ресей және Түркия президенттері Владимир Путин мен Режеп Тайип Эрдоғанмен телефон арқылы сөйлесу кезінде жасалған. Олар Қазақстан президентін тәуелсіздіктің 25-жылдығымен құттықтап, алда жоспарланған Жоғары Еуразиялық экономикалық кеңестің отырысы мен Ұжымдық қауіпсіздік келісім шарт ұйымына қатысты сұрақтарды талқылаған. Эрдоған 12 желтоқсанда Астанаға жоспарланған сапарын кейінге қалдырғанына қынжылысын білдірген.
Астана өткен жылдың сәуір айында Сириядағы бірқатар оппозициялық топтар Назарбаевтан Сириядағы кикілжіңді шешуге байланысты Қазақстанда келіссөз жүргізуге өтініш білдіргені жөнінде мәлімдеген. Сыртқы істер министрлігі 2015 жылы мамыр және қазан айында елде келіссөздер өткенін хабарлаған. Бірақ ол жабық есік жағдайында өткеннен кейін, оның құрамы жарияланбады.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз