Қырғызстанның бұрынғы президенті Құрманбек Бакиев пен оның балалары “Беларусь ұлттық биотехнологиялық корпорациясы” жобасын қаржыландырды. Жоба құны – 1 млрд доллар. Бұл туралы ресейлік Босбалт басылымы беларустық баспасөзге сілтеме жасап хабарлады.
“Қаражаттың бір бөлігі – өзінікі, қалғаны – сырттан тартылған болуы мүмкін, бірақ қаржының негізгі бөлігі сырттан тартылған”, – деп есептейді TUT.by дереккөзі.
“Беларусь ұлттық биотехнологиялық корпорациясы” 2016 жылы 11 тамызда тіркелді. Корпорация Минск облысының Руденск қаласында шамамен 160 гектар жерге жоғары технологиялық агрокешенін құрумен шұғылданады.
Жобаға тартылатын инвестиция көлемін 1 млрд доллар деп бағалады. Беларусь президенті Александр Лукашенконың жарлығымен, жоба корпорацияның өз қаражатымен және несиемен жүзеге асырылады.