Мұнайшылардың кәсіподақ жетекшісі әлі қамауда отыр
Астана қалалық соты 30 қаңтарда Oil Construction Company (OCC) компаниясының кәсіподақ жетекшісі Әмин Елеусіновті қамаудан босату туралы арызды қанағаттандырмады. Елеусінов Маңғыстау облысында жүздеген мұнайшының аштық акциясын басқарған еді.
Өткен аптада кәсіподақ төрағасы мен еңбек жөніндегі инспектор Нұрбек Құшақбаевты Ақтаудан Астанаға қылмыстық айыптаумен екі айға алып кеткен еді. Адвокаттың айтуынша, Елеусіновке кәсіподақ қаражатын қолды қылды деген күдік келтірсе, Құшақбаевқа заңсыз наразылықты жалғастыруға үндеді деген айып тағылуы мүмкін.
ОСС компаниясындағы аштық кәсіподақтың ақтаулық ғимаратында екі аптаға созылды. Оған Қаламқас және Жетібай кен орындарында жұмыс істейтін мұнайшылар қатысты. Жұмысшылар тәулесіз кәсіподақ конфедерациясының жойылуына қарсы шықты.
Аштық акциясы 21 қаңтарда мұнайшыларды жаппай соттаумен аяқталды. Жергілікті сот олардың әрекетін заңсыз деп тауып, 63 мұнайшы азаматтық және әкімшілік сот алдында жауап берді.
Серіктестер жаңалықтары
© «365 Info», 2014–2025 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз