Министрді жемқорлық пен сексуалды алымсақтық үшін айыптаған студент қыздың сөзіне қарағанда, кезінде ректор болған Арыстанбек Мұхамедиұлының көмегімен ЖОО түспек болған екен.
Бұл туралы sputniknews.kz хабарлайды.
Мемлекеттік қызмет істері және сыбайлас жемқорлыққа қарсы іс-қимыл агенттігі Мәдениет және спорт министрі Арыстанбек Мұхамедиұлына пара сұрағаны жөнінде тағылған айыпты тексеруде деп хабарлады ведомство басшысы Қайрат Қожамжаров.
Мұхамедиұлы өзіне тағылған айыптаулар жөнінде: соттасқым келмейді, бірақ амал жоқ Бұдан бұрын, 9 қазанда Youtube желісінде өзін Т.Г. Жүргенов атындағы өнер академиясының бұрынғы студенті Еңлік Сыдықовамын деп таныстырып, Арыстанбек Мұхамедиұлын алымсақтық жасады деп айыптаған қыздың бейнеүндеуі пайда болды. Ғаламторда тарап кеткен бейнеүндеуде Сыдықова ҚазҰӨА 2011-2015 жылдары “музыкалды театр актрисасы” мамандығы бойынша оқығандығын айтты. Ол ЖОО түсуге шешім қабылдағанымен, қабылдау емтиханына кешігіп қалған екен.
Оның айтуынша, Мұхамедиұлы мәселені 3000 доллармен шешуді ұсынған көрінеді, содан соң қыздың қайда тұратынын, кіммен тұратынын сұрай бастапты. Арыстанбек Мұхамедиұлы Еңлік Сыдықованы сотқа берді. Егер қыз кешірім сұраса, министр арызын қайтарып алады.