Испанияның жоғары соты атақты футболшы, Аргентина құрамасы мен “Барселонаның” 29 жастағы шабуылшысы Лионель Мессиге қатысты үкімін бекітті.
Twitter–дегі Football Espana парақшасының хабарлауынша,
сот Мессиді 21 айға бас бостандығынан айырды.
Бірақ испан елінің заңнамасына сай, екі жылдан аспайтын түрме мерзімін шартты жазаға ауыстыруға болады. Сол себепті футболшының түрмеде отыруы міндетті емес.
Лионель мен оның әкесі Хорхе 2007, 2008 және 2009 жылдары 4,1 млн евро салығын жасырыпты.
Лионель өз имиджін пайдалану үшін алған ақшасын жасырған екен.
Месси тағы 2,1 млн евро көлемінде айыппұл төлеуі тиіс екен. Ал 21 айға сотталған оның әкесінің жазасы 15 айға дейін қысқарды.