Лимузин, ресторан… Құтырған мектеп выпускнойға 100 мың теңгеден жинап жатыр
Алматыдағы №156 мектептің директоры дауға қалатын сияқты, дейді Tengrinews.kz.
Өйткені баласы биыл мектеп бітіретін бір ата-ана келіншек мектепте болып жатқан сұмдықтарды қалалық білім беру басқармасының блогына жазып жіберіпті:
“Балам мектеп бітіреді. Выпускной мен виньеткаға мектеп 100 000 теңгеден жинап жатыр. Қосымша тағы жинаймыз дейді.
Бір сағаты 16 мың теңге тұратын лимузинмен гулять етіп, Талғар тас жолының бойындағы ресторанда отырамыз деп шешіпті.
Мұны ата-аналар жиналысында өз құлағыммен естідім. Ақша жинамағандарды қорқытып жатыр мектеп. №156 мектеп, Алатау ауданы, “Өжет” ықшамауданы. Шара қолданыңыздар, осы ақша жинау деген пәле қашан тыйылар екен“,
– деп жазыпты батыл келіншек.
Бұған білім басқармасы мынадай жауап жазыпты:
“№156 орта мектепте ақша жинау жөніндегі ақпаратты тексеру үшін Алатау аудандық білім беру басқармасы меңгерушісінің міндетін атқарушы Қасымбекова Айгүл Жұмабекқызына хабарласыңыз. Немесе Білім басқармасының орта білім бөлімінің жетекшісі Айтуарова Ақмарал Төлегенқызына хабарласыңыз“, – делінген жауапта.
https://kaz.365info.kz/vypusknojga-akhsha-tap-ajtpese-erkekpen-zhatam-korshinin-khyzy-ne-dejdi-262734
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе