“Күншілдер даттаса да боқтаса да…”. Қайнар Алагөзов Төреғали туралы өлең шығарды
“Хитмен ақын” атанып кеткен Қайнар Алагөзов Төреғали Төреәлінің сахнадағы әрекетін жақтап, халықтан оған кешіріммен қарауды өтінді.
Жұртқа деген базынасын Алагөзов жыр жолдары арқылы жеткізді, деп хабарлайды Stan.kz.
“Армысың, Ұлы Қазақ, ұлым деген,
Ешқашан осалдығы білінбеген.
Күніне мың бір бəле көрсе-дағы,
Алладан күдер үзіп, түңілмеген.
Қателесіп кешірім сұрағанды,
Меніңше, дұрыс емес жұлып жеген.
Төрешті табалайтын адамдардың,
Ішінде кім бар екен сүрінбеген?!
Қайсың бар қарауылға ілінбеген,
Ұяттан өліп, қайта тірілмеген.
Расында, бұл қоғамда кім бар екен,
Сəбидей əппақ ары бүлінбеген.
50-ді ердің жасы деген қазақ,
25 – ойнақтаған құлын деген.
Төрешке кешіріммен қараңыздар,
Жүрегі тынышталсын дірілдеген.
Жасымнан жан жолдасым, інім деп ем,
Көп онда ақыл-өнер, білім деген.
Күншілдер даттаса да, боқтаса да,
Қасында қалам оның түбінде МЕН!” – дейді Қайнар Алагөзов.
Естеріңізге сала кетсек, Төреғали Төреәлі Павлодарда өткен концертінде сахна төрінде тұрып қарияға ұрысып, залдан қуған еді.
https://kaz.365info.kz/kokip-tyr-toregali-ozinin-maskharasyn-shygargan-videoga-khatysty-zhauap-khatty-video-295044
Мұнан кейін Ұлы дала баласын өнердегі әріптестері Меруерт Түсіпбаева, “Жігіттер” тобының әншісі Бағлан Әбдірайымов пен әншінің жерлестері сынап, оқиғаға қатысты пікір білдірді.
Ал әнші Бүркіт Төреғалиге қолдау білдіріп, араша түскен еді.
Артынан мәскеленің ушығып бара жатқанын аңдаған Төреғалидың өзі халықтан кешірім сұрады.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе