“Күнделіктегі” іш киімдегі сұлулар – жарнамадан ақша табатын кім?

Балаға арналмаған контент

Пиарщик әрі оқушылардың әкесі Нұркен Халықберген  осы мәселе бойынша ренішін білдірді:

– Мұндай жарнаманы “Күнделік” республикалық сайтында көрсетуге қалай рұқсат беруге болады, оған ата-аналарынан басқа оқушылар да, соның ішінде бастауыш сынып оқушылары да кіреді?

— деп түсінбейтінін білдірді.

“Күнделік” сайтындағы жарнаманың суреттері

Сайтты жасаушылар мұндай жарнаманың белгілі бір пайдаланушыларға көрінуін техникалық ерекшеліктермен түсіндіреді. Яғни, пайдаланушының компьютерінде браузерге арналған кеңейтілім немесе қосымша түріндегі “вирус” болуы мүмкін. Олардың айтуынша, қалқымалы контент “Күнделік” сайтына тиесілі емес, тек браузердегі нақты пайдаланушыға ғана көрінеді және олардың өздерінің бір нәрселерді іздеу тарихына байланысты.

Пайдаланушы контекстік жарнаманы өшіре алуы үшін, олар “Күнделікте” тіпті әрекеттерді қадам-қадамымен сипаттап көрсететін арнайы бөлім жасаған.

Көбірек кірсе – көбірек ақша түседі

Бірақ бұл дәлелге Нұркен Халықберген сенбейді. Оның айтуынша, контекстік жарнаманың болуы – сайт құрылтайшылары үшін ақша табудың тамаша мүмкіндігі.

Нұркен Халықберген

– Кез келген жарнама агенттігінде сізге контекстік жарнаманы ақшаға көрсету құны айтылады. Және

Білім министрлігі мақтан тұтатын” Күнделік ” сайтына пайдаланушылардың кіру санын есептеу керек

Іс жүзінде сіз коммерциялық құрылымның министрліктің көмегімен табатын пайдасын көресіз.

Неліктен жарнама Білім министрлігі міндетті түрде пайдалануға мәжбүрлеген сайтқа орналастырылады? Неліктен әлеуметтік функцияларды жүзеге асыратын сайт одан ақша табады? — дейді ол.

Жарнама мүлдем болмауы тиіс

Мәжіліс депутаты Ирина Смирнова онымен келіседі. Оның пікірінше, білім беру ресурстарында жарнама орналастыруға жол берілмейді.

— Егер бұл білім беру сайты болса, білім беру сайты болып қалсын. Онда барлығы тегін болсын, мемлекеттік білім беру стандартын орындау кезінде солай болуы тиіс — бұл жерде депутат “Күнделіктің” кейбір функциялары тек ақылы түрде ғана қол жетімді екенін айтып отыр. — Қазақстан Конституциясында орта білімнің бізде тегін екендігіне кепілдік берілген. Сондықтан, іш киімнің жарнамасы және кез-келген басқа жарнама немесе бір кездері салынған анекдоттар, онда болмауы керек.

Ирина Смирнова, фото parlam.kz сайтынан алынды

Бір кездері онда тіпті порнографияны да көргенбіз. Осындай дүниелерге жол берілмеуі тиіс. Ол үшін бізде білім беруді ақпараттандыру жөніндегі арнайы вице-министр бар — қызметі үшін ол тек жалақы ғана емес, сонымен бірге, жақында белгілі болғандай сыйақы да алады. Сондықтан министр бұл мәселелерді қатаң қадағалауы керек, – деді Смирнова.

Сонымен бірге, “Күнделіктің” бас директоры Мұхтар Ілиясов бұған дейін қолданушылар көретін жарнама жұмысшылардың еңбегін, жалдау ақысын және салықтарды төлеудің жалғыз тәсілі екенін айтқан болатын. Сондай-ақ, электронды порталды дамытуға инвестиция салу қажет. Оның айтуынша, компания ешқашан мемлекеттен субсидия алған емес. Ал Білім және ғылым министрлігі жобаға қаражат салған жоқ.