18+
Нұр-Сұлтан
Қазір
-3
Ертең
3
USD
379.29
0.00
EUR
426.4
0.00
RUB
5.93
0.00

«Күнделікте» ақылы опциялардың пайда болуы дау тудырды

Көптеген ата-аналар электрондық мектеп күнделіктер жүйесіндегі жаңалықтарға наразы.

«Күнделік» мобильдік нұсқасында функционалдың көп бөлігі айына 300 теңге тұратын ақылы жазылым бойынша ғана қолжетімді. Тіпті тоқсандық бағаны да тегін көруге болмайды.

Kundelik.kz ЖШС басшылығы ақша қосымша опциялар үшін ғана төленеді, оған қоса айлық және жылдық жазылымдар да бар дейді. Алайда, ата-аналардың айтуынша, қосымшаның тегін нұсқасында сабақ кестесімен ғана танысуға болады.

«Күнделіктің» компьютерлік нұсқасы тегін. Алайда, кейбір ата-аналардың айтуы бойынша мұғалімдер оларды мобильді қосымшаны пайдалануға мәжбүрлейтін көрінеді, себебі мұғалімдердің өздерінен басшылық «талап етеді». Алайда astanatv.kz сұхбаттасқан елордалық № 71 мектеп әкімшілігі мұны жоққа шығарды.

«Бізде мәжбүрлеу жоқ. Бәрі тек өздері үшін. Өз балалары. Оқу үлгерімін өздері бақылайды. Ешкім ешкімді мәжбүрлемейді, —

дейді оқу орны директорының орынбасары Айнагүл Сәдуақасова. —

Ата-аналар үшін мұғалімдер толтырады дейді. Мысалы, бізде ондай жоқ. Бізде мұғалімдер тек өз жұмысын жасайды. Олар ата-аналарының орнына күнделікке кірмейді».

Дегенмен, қосымшаны әзірлеушілер жаңа тегін опцияларды қосамыз деп отыр. Олардың арасында оқушының мектепке барғанын тексеру мүмкіндігі болады.