Қарағандыдағы №50 мектепте төтенше жағдай тіркелді. Бастауыш мектептің бір сыныбының оқушылары бүтіндей дерлік сабаққа келмей қойды. Тек бір оқушыдан басқасы.
Ал ол оқушы – осы наразылықтың басты себепкері деп хабарлады “Новый Вестник“.
Қарағандыда №50 мектептің 4 “Б” сыныбы оқушылары мен ата-аналары келесі дүйсенбіге дейін байкот жариялады. Бұл наразылыққа, басылымның мәліметінше,
жалғыз баланың өз сыныптастарын екі жылдан бері ұрып-соғып келгені себеп болған. Аты-жөні аталмай отырған бала сабақтарға кедергі жасап, сыныптастарын ұрып, мұғалімдердің, тіпті, директордың намысына тисе де жазасыз қалады екен.
Оның үстіне, сынып жетекшісіне қол көтеру дерегі болыпты. Бұл дерек полиция органдарында тіркелген.
“Бала денелі, оған балалар да, ересектер де қарсы келе алмайды. Мектеп те, полиция да, қалалық білім бөлімі де, қамқоршылық органдары да шарасыз отыр. Бәрі балаға заң бойынша шара қолдана алмайтынын айтады”, – делінген мақалада.
Мектептің шырқын бұзған баланы шешесі жалғыз тәрбиелеп отыр, әкесі жоқ. Көршілері шешесінің баласына жиі қол көтеретінін айтады. Төртінші сынып оқушыларының ата-аналары бала мектепке келіп, шешесінің кегін балалардан алады деп есептейді. Ересектердің айтуынша, бала өз-өзіне есеп бермейді, алайда құжат бойынша ол сау. Тіпті, мектеп психологы да бұл баланың өзгелерден бөлек оқуы керектігін айтып отыр. Таяуда мектеп жиналысында ата-аналар осы бала сабаққа келетін болса, балаларын мектепке жібермейтінін мәлімдеген.
https://kaz.365info.kz/s-mdy-aj-zh-regi-to-tap-aldy-degen-o-ushyny-synyptasy-ryp-ltirgen-video-242457
Басылым тілшілері мектеп директорына хабарласқан, алайда ол тілшілермен сөйлесуден бас тартқан.