Коронавирустың себебінен асқынып кететін аурулар белгілі болды

27 наурыз 2020, 15:25

163

Ухань университетінің (ҚХР) Халықтық емханасының ғалымдары осындай шешімге келді деп жазды РИА Новости. Мамандар коронавирус жұқтырған 416 адамды бақылаған. Дәрігерлердің пікірінше, емделушілердің жүрек-қан тамыр жүйесі жұмысының бұзылуы мен COVID-19-дан болған өлім көрсеткішінің арасында байланыс бар.

Осы вирустың кесірінен басқаларға қарағанда жүрегі ауыратын адамдар көбірек қаза болған (жүрек-қан тамыр жүйесінің жұмысы бұзылған 82 адамның 42-і көз жұмған, ал ондай сырқаты жоқ 334 адамның тек 15 ғана)

«Уханьдағы COVID-19 жұқтырған емделушілердің көбінің жүрегінде сырқаты болған, бұл өлім-жітім көрсеткішінің не себепті жоғары болғанын түсінуге көмектеседі», — дейді ғалымдар.

Басқаларға қарағанда жүрек ауруы бар адамдарың ауруы он есеге көбірек асқынғаны анықталды.