Нұр-Сұлтанда көпірден секірмек болған әйел көп балалы ана болып шықты. Ол әкімдіктен пәтер беруді талап еткен.
Бұл туралы Нұр-Сұлтанның Қоғамдық даму істері басқармасының басшысы Талғат Рахманберді мәлімдеді, деп хабарлайды Tengrinews.kz.
“Ол пәтер беруді талап етті, алайды өзі кезекке тұрмаған болып шықты. Тұрғын үй беру заң бойынша қатаң жүзеге асырылады. Қолданыстағы талаптар бар. Бірінші кезекте кезекке тұру керек. Ал осылай пикеттер мен митингілерге шығып, тұрғын үй талап ету — бұл толығымен заңсыздық”, – деп түсіндірді Рахманберді Министрліктер Үйі жанында орын алған жағдайды.
Кейін құқық қорғау органдарының қызметкерлері оны қауіпсіз жерге шығуға көндірген.