“Көп үнем бізге”. Шалғайдағы ауылдарға “Қазпошта” газеттерді дронмен жеткізетін болды
Айшылық алыс жерлерден жылдам хабар алғызған заманда ақпарат жеткізудің жаңа қырлары ашылып жатыр. Оның озық үлгілері өзімізден де табылады.
Қарағанды облысының шалғайдағы ауылдары енді республикалық газеттерді сиясын кептірмей оқи алады деп хабарлады “Хабар-24” телеарнасы.
Ол үшін жерден басқарылып, әуеде қалықтайтын дрондар қолданылмақ. Құрылғы 70 шақырымды бағындыра алады. Оны отандық компания жасаған. Қарағанды облысында іске қосылған «Қазпоштаның» тың жобасы енді жақын арада Оңтүстік Қазақстан мен Жамбыл облыстарында да жүзеге асады.
Сәкен Сәрсенов, «Қазпошта» АҚ басқарма төрағасы:
– Ең басты мақсат ақшаны үнемдеу ғой. Біз 2-3 келі газет апару үшін бір машинаны бір күнге жіберетінбіз. Кейбір ауылдар бар, 200 шақырым жерді таулы аймақта жүріп өту керек. Ал тіке ұшса, сол ауылға бір сағатта газет жетеді де, қайтып келеді.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз