№1 Перинаталды орталықта жаңа босанған әйелінен айырылған Сапар Әміртай дүниеге келген нәрестелер тірі қалуы үшін шетелден мамандар шақыруды өтініп, Елбасыдан, Денсаулық сақтау министрі Елжан Біртановтан, барлық азаматтардан көмек сұрады.
Бұл туралы Baq.kz хабарлады.
«Осы балаларды аман алып қалсын деп көмек сұраймын. Қазақстанда мүмкіндік көп, мықты мемлекетпіз. Шетелден мамандар шақыруға, Ресейден, қандай болсын елден шақырса деймін. Себебі мұны осындай жағдайға тап болған адам ғана түсінеді, мен де дәл қазір сол жағдайда тұрмын.
Кішкентай, үмітім жансақтау бөлімінде жатыр. Мен одан айырылып қалмауым керек. Денсаулық сақтау минитсрі Елжан Біртановтан, кімнен болсын осы балалаларды аман сақтап қалса екен деп көмек сұраймын.
Себебі екінші рет біреуден айырылу өте ауыр болады. Балалар ештеңеге кінәлі емес. Олар өмір сүруі тиіс. Олардың өмір сүретініне сенеміз», – деді ол.
https://kaz.365info.kz/eki-ajel-olimi-tergeu-zhyrip-zhatyr-balalar-zhansakhtau-boliminde-321660
Нәрестенің әкесі мемлекет көмегіне сенетінін, балалардың тірі қалуы үшін көрші елдерден болсын мамандар шақырса деген ойын жеткізді. Ал өлім себебі туралы әзірге ештеңе айта алмайды.
«Денсаулық министрлігінің өз құрылымы болады, жұмыстары бар. Мен бұл туралы пікір білдіре алмаймын, себебі қазіргі жағдайымда ештеңе дей алмаймын.
Не үшін бұлай болды, себебі қандай дегенге жауап тауып, осы іспен объектиівті түрде айналысса деймін», – деді көз жұмған әйелдің жолдасы.
Оның айтуынша, әйелінің денсаулығы өте жақсы болған. Жүктілік кезінде де ешқандай проблема туындамаған. Ол әйелінің өз денсаулығына мұқият қарағанын айтады.
«Әйелім босанғанда серігі болдым. Қызымды күніне бес-алты рет көтеріп жүрмін. Үлкен қызым 2,5 жаста», – деді әке.
Ол балалар жарық дүниеде қалуы үшін кез келген адамның көмегіне зәру екенін жеткізді.
«Көмекті бәрінен сұраймын, Денсаулық сақтау министрі Елжан Біртановтан көмек сұраймын.
Қандай дәрігер керек, дәрі керек соның бәрі оларда бар. Балалар туылғалы жан сақтау бөлімінде қиын жағдайда жатыр. Елдің бәрінен көмек сұраймын, Елбасыдан да сұраймын.
Кішкентай нәрестелер өмірді көрсін. Басқа мамандарды алып келу дегендей мүмкіндік болса, бала жақсарып кететін шығар. Олар да өмір сүруі керек қой, сондықтан барлықтарынан көмек сұраймын», – деді ол.
https://kaz.365info.kz/meningit-pe-astanada-eki-ajel-khajtys-bolgan-perzenthana-bolimi-zhabyldy-321599
Сөз соңында Сапар Әміртай осы жағдайға қатысты ІІМ-ге арыз жазғанын атап өтті.