Көлікте өртеніп кеткен 10 жастағы қыздың өлімінің егжей-тегжейі белгілі болды
Ақтөбе облысында өртенген көліктің ішінде қалып, көз жұмған 10 жастағы қыздың өлімінің егжей-тегжейі белгілі болды. Қайғылы оқиға 27 тамыз күні Хромтау ауданында болды. Жеке тұрғын үйдің ауласында тұрған ВАЗ көлігі өздігінен өртеніп, ішіндегі отырған 10 жастағы қыз көз жұмды.
Ауылдық округ әкімдігінің мәліметінше, отбасының тұрмыстық жағдайы жақсы. Марқұм қыздың анасы мектепте мұғалім, әкесі жергілікті кен орнында жұмыс істейді. Отбасында үш бала. Үлкені жақында отбасын құрса, екінші ұлы мектеп оқушысы, ал марқұм 10 жастағы қыз ауруына байланысты үйден оқып жүрген.
Сол күні қыздың ата-анасы Хромтаудан келіп, көлікті аулаға қойып, үйіне кіріп кеткен. Ал қыз ойнауға далаға шығыпты. Біраз уақыттан кейін көршілері ауладағы көліктің өртенгенін хабарлаған. Өрт сөндірушілер келгенге дейін көршілер өртті өз бетімен сөндірген. Өрттен кейін көліктен қыздың денесі табылды. Сонда ғана қыздың ойынға шықпағаны, көлікте отырғаны белгілі болды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз