Көкшетаулық судьяның өліміне қатысты жаңа деректер пайда болды
Жанна Бердіғұлованы буындырып өлтірді делінген күдікті Медет Әбдірахманов, бұған дейін 4 рет сотталып, соңғысында бостандыққа мерзімінен бұрын шығыпты.
Бұл жайлы КТК арнасының жаңалықтар қызметінде жарияланды.
Төрт ретінде де – тонау, зорлық жасау, қыз зорлауға әрекет ету және қасақана кісі өлтіру сынды аса ауыр қылмыстар бойынша жазасын өтеген. Бірақ үлгілі тәртібі үшін түрмеден үнемі ерте шығып отырыпты. Тек босай салысымен ескі әдетіне қайта басатын сыңайлы.
Енді бұл жолы кінәсі дәлелденсе абақтыға ұзақ мерзімге аттанары анық. Естеріңізге салсақ, маусымның 15-і күні Ақмола облыстық қылмыстық істер бойынша апелляциялық алқасының төрайымы Жанна Бердіғұлованың денесі өз үйінен табылған болатын. Іле-шала 33 жастағы Көкшетау тұрғыны тұтқындалды.
Тергеу мәліметінше, судья – қызметін Алматыға ауыстыратын болып, жиһазын жинау үшін пәтеріне шақырған жұмысшының қолынан қаза тапқан.
https://kaz.365info.kz/yjine-ozi-kirgizdi-kisi-kholynan-khaza-tapkhan-zhanna-berdigylova-zhajly-malimdime-zhasaldy-267239
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе