Көкшетауда шенеунікке пара ұсынған кәсіпкер сотталды
Ақмола облысында лауазымды тұлғаға пара берген фирма директоры сотталды
Көкшетауда компьютерлік фирманың директоры мемлекеттік кіріс басқармасы басшысының орынбасарына пара бергені үшін сотталды, деп хабарлады Sputnik Қазақстан агенттігі.
Мемлекеттік кіріс департаменті “Мультисофт Еуразия Көкшетау” ЖШС-ны тексеру кезінде бекітілген қаржылық айналымның рұқсат етілген көлемнен артуын анықтады. Осыған байланысты серіктестікке қосымша құн салығын төлеуші ретінде есепке тұру туралы ескерту жіберілген. Фирма иесі Көкшетау мемлекеттік кіріс басқармасы басшысының орынбасары көмегіне жүгінген.
“Мультисофт Еуразия Көкшетау” ЖШС директорына ауыр жемқорлық сипатындағы қылмыс жасады деген айып тағылды. Көкшетау қалалық соты оны пара беруде кінәлі деп тапты. Сотталушыға 4 миллион 500 мың теңге көлемінде айыппұл төлеу жазасы тағайындалды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе