Нұр-Сұлтан
Қазір
4
Ертең
13
USD
445
+0.37
EUR
477
+2.08
RUB
4.82
+0.02

“Кім жаман, Үкімет жаман”. Депутат Questra – қаржы пирамидасы туралы шындықты айтты

300

Оның айтуынша,

биыл “Questra World” дейтін қаржылық компанияның дақпырты жүріп тұр. Аңқау халық “сен инвесторсың” дегеніне сеніп, жиған-терген бар ақшасын сонда салып жатыр.

“Көлік алуға, үй алуға, бизнес ашуға деп жинаған-терген бар қаржысын осы компанияның шотына салады да, одан аз уақытта пайда көремін деп алданып отыр және алданғалы жатыр. Осындай Questra іспетті Қазақстандағы компанияның орта деңгейлі менеджерінің өзіне келіп қосылғандар 12 миллион доллар жинап беріпті. Толық ақшаның көлемін біле алмаймыз, қисап жоқ.

Questra секілді компаниялар Испанияда болғанымен, негізі мекен-жайы Виргин аралдары секілді офшорларда орналасқан”

, — дейді халық қалаулысы.

Депутат халықтың қаншама ақшасы шетелге асып, ізім-ғайым жоғалып жатқанын айтты. Бұған кім жауап береді? Оның айтуынша, бұл компаниялардың бәрінің жұмысы заңсыз. Олар Қазақстанға бір тиын салық төлемейді.

“Шетелдіктер бізге ақша бермейді, бізден алып кетіп жатыр. Осыны түсінуіміз керек. Осыған дейін болған компаниялар миллиардтаған теңгені халықтан жинап алып, жабылып қалды. Солардың соңынан тергеу жүргізген біреу бар ма? Бар болса, неге әшкерелемейміз? Дәл осы сәтте Questra компаниясына ақша салу үшін, кредит алып, ломбардқа алтынын өткізіп, көлік, үйлерін сатып жатқан адамдар көп. Әне-міне дегенше, бұл компания да жабылып қалады. Үрленген шар секілді жарылады.

Ақырында, инсульт, инфаркт алған ағайын қалады. Сосын кім жаман? Үкімет жаман болады.

Себебі, мұндай қаржылық компанияларды тексеріп, қызметін тоқтату керек еді. Халықты қаржылық сауаттандыру қажет”, — деді Тілеухан.

Мәжілісменнің айтуынша, халық онсыз да кердит алып, қарыздың қамытын киіп, қиналып жатқанда, қаптың түбін тескен шетелдік алаяқ компаниялардың ісін тезірек бақылауға алу керек.

“Олардың жұмысын тоқтату жағы қарастырылуы тиіс”, — деп түйіндеді сөзін депутат.

Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз