Денсаулық министрі Елжан Біртанов Денис Теннің өліміне қатысты түсініктеме берді.
“Бүгін Алматы қаласының жедел жәрдем бөлімшесіне 14.56-да бір жігіттің пышақ жарақатын алғаны туралы мәлімет түскен. 2 минут өткеннен соң, шақырту бригада бөлімшелеріне берілді. 10 минуттан соң бригада оқиға орнына жетті. Сол сәтте бізге жарақаттанған адамның кім екені белгілі болды. 11 минуттан соң Тен ауруханада болды, жолда клиникалық өлімде болған”, – деді Біртанов.
Министрдің сөзінше, емдеу шаралары жедел жәрдемнің ішінде басталып кеткен.
“Геоморфологиялық шок пен көп қанның жоғалтуына байланысты, оны бірден жан сақтау бөліміне , ота жасауға алып кетті. Екі сағат бойы ота жасалды, бірақ, өкінішке орай, 17:30-да қайтыс болды. Оның себебі – көп қан жоғалту”,-деді министр.
Естеріңізге сала кетейік, Денис Тенге тал түсте автоұрылар бас салған. Оқиға бүгін Құрманғазы мен Байсейітов көшелерінің қиылысында болды.
https://kaz.365info.kz/kop-khan-zhogaltkhan-denis-ten-khajtys-boldy-video-324556