Танымал сазгер Марат Омаров Мадина есімді қызын ұзатты. Ізінен ерген сіңлісінің тойы жайында Зарина Омарова айтып берді.
Бұл туралы Stan.kz хабарлады.
“Мадикошым, жаным, бақытты бол, менің соңымнан ерген кішкентай ғана балапаным! Сен біздің үйдегі ерекше адамсың, жүзіңнен тек күлкі кетпесін. Айдардың қолынан ұстап, әлемдегі ең бақытты жан болатыныңа сенемін!” – деп ақ тілегін білдірді ол.
Той барысында Зарина сіңлісіне арнап ән орындап, өз қолынан шығарып салды. Жантебірентерлік сәт кезінде Марат Омаров көзіне жас алып қалды.
Видеоны көрген желі қолданушылары да қызды шығарып салар сәттің әсерлі шыққанын айтып, жас жұбайларға бақыт тіледі.