Қызылордадағы апатты үй ақыры опырылып тынды (видео)
Қызылорда қаласында үйдің бір бұрышы опырылып түсті. Зардап шеккендер жоқ.
Алайда 3 жыл бұрын апатты деп танылған Тасбөгет кентіндегі үйде бүгінге дейін 4 отбасы тұрып келген деп хабарлады „Хабар-24„ телеарнасы.
Қазір олар көшіріліп, уақытша баспанамен қамтылды. 1960 жылы салынған екі қабатты үйді енді ғана мамандар тұруға жарамсыз деп тауып, бұзу жөнінде ұйғарым шығарды. Қазірде 8 пәтерлі үйді арнайы техникамен құлатты. Енді орны тазартылып жатыр. Ал облыс орталығында 255 отбасы апатты үйлерде тұрып жатыр.
– Оларға осы күнге дейін бірнеше рет жиналыс жасап, түсіндірме жұмыстары жүргізілді. Сонымен қатар басқа жағдайы жақсы бос тұрған үйге көшуге уақытша ұсыныстар жасалған болатын. Алайда ол кісілер сол жерде мектепте балалары бар, балабақшада балалары бар немесе жұмыс орнын тағы басқа сияқты себептермен уақытысында бас тартты.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе