Қызылордада ер адам Панфилов көшесі бойында жеке үйді жарып жіберемін деп қоқаң лоққы жасады, деп хабарлады Қызылорда облысының ішкі істер департаментінің баспасөз қызметі.
Бұл туралы Sputnik хабарлады.
Жергілікті тұрғын өзінің ниеті туралы телефон арқылы құқық қорғау органдары қызметкерлеріне хабарлаған. Олар бірден шақыруға барған.
Үйді жарамын деп қоқаң лоққы жасаған ер адам ұсталды. Ұсталған 37 жасар ер адамның психоневрологиялық диспансерде есепте тұратыны анықталды.
Қазіргі уақытта еліміздің Қылмыстық кодексінің 273-бабы бойынша қылмыстық іс қозғалып, сотқа дейінгі тергеу жүргізіліп жатыр.