Қызылордада автокөлік ұрлау жиілеп барады
Қызылордада үйдің есік алдында тұрған көлікті қас-қағым сәтте ұрлағандар қолға түсті.
Бұл туралы облыстық ішкі істер департаментінің баспасөз қызметі хабарлады.
Биыл 6-қыркүйекте түнгі сағат 01.40 шамасында қалалық ішкі істер басқармасының кезекші бөліміне 27 жастағы қала тұрғыны қоңырау шалып, үйінің ауласында тұрған «Mercedes Benz» маркалы автокөлігінің ұрланғаны жайлы хабарлаған. Жедел-іздестіру жұмысы ұйымдастырылып, сол аумақты барлаған жол-патрульдік полиция батальоны қызметкерлері ұрланған автокөлікті қала көшелерінің бірінен байқаған. Оны тоқтатып, 18 және 23 жастағы 2 қала тұрғыны ұсталды.
Осы екі дерек бойынша да ҚР Қылмыстық кодексінің 200-бабы 1-бөлігі, яғни „Автомобильді жымқыру, заңсыз оны иеленіп алу„ бойынша қылмыстық іс қозғалып, қазіргі таңда сотқа дейінгі тергеп-тексеру амалдары жүргізілуде.
Осыған сәйкес, қызылордалық полицейлер облыс тұрғындары мен қонақтарына автокөліктерін үй аулаларына, гараждарға, автотұрақтарда қалдырған кезде қырағылық танытуына кеңес береді. Сондай-ақ, автокөлікті қараусыз қалдырмауларын, қараңғы жерлерде ұзақ уақытқа тұраққа қоймауларын, құжаттар мен құнды заттарды автокөлік ішінде сақтамауларын ескертеді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе