Қызылордада 4 млн теңгенің бағалы бұйымын қолды еткен ұрлықшы ұсталды
Қызылордада полиция қызметкерлері 4 миллионнан аса теңгенің бағалы бұйымдарын ұрлаған әккі ұрыны қолға түсірді.
Бұл туралы Қызылорда қалалық ІІБ баспасөз қызметі хабарлады.
2017 жылғы 24 тамызда күндізгі 09.00 – 18.00 уақыт шамасында белгісіз біреу Қызылорда қаласы тұрғынының үйіне пластик терезесін күштеп ашып кіріп, жатын бөлмесіндегі алтын бұйымдарын ұрлап кеткені белгілі болды. Салдарынан қала тұрғынына 2 млн. 654 мың теңге материалдық залал келген. Жедел-іздестіру шаралары кезінде Қызылорда қаласының 33 жастағы тұрғыны анықталып, ол уақытша ұстау изоляторына қамаққа алынды.
Аталған дерек Сотқа дейінгі тергеп-тексерудің бірыңғай тізіліміне ҚР Қылмыстық кодексінің 188-бабы 3-бөлігімен, яғни „Ірі мөлшерде жасалған ұрлық„ бойынша тіркелді. Аталған азаматтың басқа да қылмыстарға қатыстылығын анықтау мақсатында тергеу амалдары жүргізілуде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе