Димаш Құдайбергеннің жанкүйерлері әншінің туған күні қарсаңында ерекше тосын сый жасамақ.
Бұл туралы ҚазАқпарат хабарлады.
Guardians деп аталатын қытайлық жанкүйерлер тобы Димашқа деген құрметін оның туған күні қарсаңында Астанадағы үлкен LED экрандар арқылы жеткізбек. Олардың айтуынша, бұл шара қазіргі таңда Астанадағы көрнекті LED экран қызметін ұсынушы компаниялармен келісіліп қойған.
«Димаш Құдайбергенге деген қытайлық жанкүйерлердің ықыласы шексіз. Оның өнерін жоғары бағалайды. Мен де Вейбо желісінде құрылған Guardians жанкүйерлер тобының мүшесімін. Сондағы фанаттардың ұсынысымен Димаштың туған күнінде Қазақстан астанасындағы үлкен экрандар арқылы құттықтау жолдауды шештік.
Мен Астанадағы ең көрнекті LED экрандардың бәрімен келісіп қойдым. Онда Димашты құттықтаған арнайы бейнеролик күні бойы айналып тұратын болады. Бұл Димаштың өнерін бағалайтын жандардың сыйлығы деп білерсіздер», – дейді Астанадағы Гумилев атындағы Еуразиялық ұлттық университеттің студенті Ақеділ Нұрболатұлы.
Еске сала кетейік, алдында Қытай фанаттары Димашты наурыз мерекесімен құттықтап, Алматыдағы LED экрандарға тапсырыс беріп, құттықтаулар жолдаған.
https://kaz.365info.kz/dimashtan-ayajmyn-ba-khytaj-zhankyjeri-khandaj-khadamga-barganyn-bilesiz-be-video-255167
Димаш 1994 жылы 24 мамырда Ақтөбе қаласында дүниеге келген. Әкесі Қанат Құдайбергенұлы және шешесі Светлана Айтбаева Қазақстанның мәдениет қайраткерлері, бұл отбасы өмірін өнер жолына арнаған адамдар.
«Singer» байқауындағы ерекше талантымен көзге түсіп, Қытайда ерекше танымалдылыққа ие болды. Жас талант 23 наурыз күні Шаңхай қаласында 24-кезекті «China Top music Awards» шарасының «Азияның ең танымал әншісі» (Best Asia popularsinger) номинациясы бойынша, 9 сәуір күні Шэньчжэнь қаласында өткен «17th Top China Music Awards» шарасында «Халықаралық дәрежедегі танымал әнші» номинациясы бойынша марапатталды.