«Қырыл, қазақ!». Toyota Camry 70 Қазақстанға келді
«Тойота Мотор Қазақстан» Toyota Camry-дің сегізінші буынын (Camry 70) Қазақстан нарығына әкелетінін жария етті.
Toyota Camry 70 толықтай жаңаша құрастырылған көлік. Оны жобалауда ең алдымен динамикасы мен жүріс сапасына айрықша мән берілген. Автокөлік GA-K деген жаңа платформада жасалған. Кузовы кеңейіп, көліктің «бойы» төмендеді. Соның арқасында кузовтың беріктігі 30 пайызға артып, аэродинамикалық қасиеттері жақсарды. Camry-дің биіктігі 25 мм-ге төмендеді, ал капоттың ең биік нүктесі 40 мм-ге түскен.
Toyota Camry 70 үшін жаңа қозғалтқыштар әзірленген. Топ-версияға көлемі 3.5 болатын V6 моторын қояды. 24 клапанды бұл агрегаттың қуаты 249 аттың күші. Ол Direct Shift-8AT деген сегіз сатылы автомат қорабымен бірге жүреді.
Сәл арзандау Toyota Camry 70-терге төрт цилиндрлі 2,5 литрлік (181 а.к) және екі литрлік 150-күштік мотор қойылады. Бұлар алты сатылы автоматпен жабдықталады.
Көліктің бағалары сатуға түсер алдында жарияланбақ. Автокөлік Қазақстандағы автосалондарға 2018 жылдың мамыр айында түседі екен.
https://kaz.365info.kz/mynau-lifan-khytajdyn-kamrii-khandaj-dejsiz-be-foto-300098
motor.kz
https://kaz.365info.kz/orystyn-khatyny-meni-khalaj-zorlady-294902
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе