Қырғыз-қазақ шекарасында тағы бір топ адам ұсталды

https://kaz.365info.kz/ministr-dauren-abaev-khazakh-khyrgyz-shekarasynda-ne-bolyp-zhatkhanyn-ajtty-284763

“Меркі ауданының кейбір тұрғындары Қырғызстан Республикасында ұрланған малды Қазақстанда сату үшін мемлекеттік шекараны өткізу пункттерінен тыс жерден заңсыз кесіп өтетіндері анықталды. Ағымдағы жылдың 1-сәуірінде түнгі уақытта ұйымдастырылған іс-шараның нәтижесінде Меркі ауданның тұрғындары 13 бас ірі қара малын шекарадан кедергісіз өткізуді қамтамасыз етуі үшін шекара қызметшісіне пара бергендері рәсімделді”, – делінген хабарламада.

Пара берушілердің тапсырмасы бойынша қырғыз аумағынан мемлекеттік шекараны заңсыз кесіп өтіп, заңсыз жолмен мал басын өткізгендері үшін шекара бекетінің аумағында қазақстандық төрт азамат ұсталды.

https://kaz.365info.kz/nota-zholdady-khazakhstan-men-khyrgyz-respublikasy-arasy-khajtadan-ushykhty-302737

“Сонымен қатар, бір мезгілде пара беру дерегі бойынша күдікпен пара беруші екі азамат ұсталды. Қазіргі таңда осы тұлғаларға қатысты “кепіл” түріндегі бұлтартпау шарасы қолданылды. Мемлекеттiк шекараны заңсыз кесіп өту дерегі бойынша материалдар жеке өндіріске жіберіліп, тергеу жүруде”, – деп хабарлады ведомствоның баспасөз қызметі.