Қырғыз депутатын қамау мерзімі ұзартылды
Алматы соты Қырғыз Жогорку Кенешінің депутаты Дамирбек Асылбекұлын қамау мерзімін 2 айға созу туралы шешім шығарды. Бұл туралы ҚазАқпарат тілшісіне қалалық соттың баспасөз қызметі хабарлады.
Бапсөз қызметінің жетекшісі Диас Махамбетовтың айтуынша, Дамирбек Асылбекұлының қамауда ұстау мерзімін тағы екі айға ұзарту туралы өтініш тергеу комитетінен түскен.
«Тергеу комитеті Дамирбек Асылбекұлын бұлтартпау шарасын қылмыстық іс материалдарымен танысу кезеңінде 15-тамызға дейін ұзарту туралы өтініш түсірді. Сот бұл өтінішті қанағаттандыру туралы шешім қабылдады. Күдіктіні бұлтартпау шарасы 15-қазанға дейін ұзартылды. Қаулы 9-тамызда шығарылды», – деді Диас Махамбетов.
Еске салайық, ағымдағы жылдың ақпан айында оңтүстіктегі 3 облыс пен Алматы қаласында жүргізілген арнайы операция барысында 35 адам ұсталды. Олардың арасында кеден органының, шекара қызметінің лауазымды тұлғалары, брокерлер, делдалдар, сондай-ақ ұйымдасқан қылмыстық топ мүшелері бар. Арасындағы үшеуі Қырғызстан азаматы. Оның бірі – Қырғызстанның Жогорку Кенешінің депутаты Дамирбек Асылбек.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз