Қырғыз билігін күштеп басып алмақ болды деген күдікпен депутат ұсталды
Қырғыз Республикасының Бас прокуратурасы ҚР Жогорку Кенешінің депутатына қатысты қылмыстық іс қозғады. Қанатбек Исаевке Қылмыстық кодекстің бірден үш бабы бойынша айыптар тағылды.
Атап айтқанда, «Қылмысқа дайындалу», «Жаппай тәртіпсіздік» және «Билікті күштеп басып алу немесе билікті зорлық-зомбылықпен ұстап отыру». Бұл туралы kabar.kg сайты 
хабарлады.
Құқыққорғау органдарының мәліметіне сәйкес, ұсталған тұлғалар ақшалай сыйақы беріп, соңы жаппай тәртіпсіздіктер мен қаруланған қақтығыстарға ұласатын жоспарланған акцияларға қатысу үшін өз қатарларына адамдарды тартып отырған. Қылмыстық іс Қырғыз Республикасы Мемлекеттік Ұлттық қауіпсіздік комитетінің Бас тергеу басқармасына жолданды.
2017 жылдың 30 қыркүйегі күні Жогорку Кенештің депутаты мен өзге тұлғаларға қатысты ҚР Бас прокуратурасы қозғаған қылмыстық іс аясында депутат Қанатбек Исаев пен ұйымдасқан қылмыстық топтардың жекелеген мүшелері тұтқындалды. Қазіргі уақытта тергеу жұмыстары жүруде.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе