“Құдірет!”. 12 жыл мұздатылған эмбрионнан дені сау бала дүниеге келді (видео)
Қытайдың Сиянь қаласында 12 жыл бұрын мұздатылған эмбрионнан дені сау бала дүниеге келді.
Жергілікті дәрігерлердің айтуынша, мұндай жетістікке бұрын-соңды ешкім қол жеткізе алмаған.
Қызығы сол, өмірге келген сәбидің егіз сыңары бар. Ол жасанды ұрықтандыру әдісі арқылы өмірге келген. Қазір 5 сыныптағы мектеп оқушысы.
Егіздердің бұлайша әр түрлі мерзімде өсіп, жетілуінің себебі мынада. 12 жыл бұрын бала сүюді армандаған ерлі-зайыптылар Сияньдағы клиниканың көмегіне жүгінеді. Сол кезде 12 эмбрионның екеуі құрсағына салынады. Бірақ оның тек біреуі ғана жетіліп, 2004 жылы бір бала дүниеге келеді.
Цзян Сюнь, «Танду» ауруханасы директорының орынбасары
– Баланың салмағы – 3 келі 440 гр, бойы – 48 сантиметр. Дұрыс дамыған сәби дүниеге келді. Біз 12 жыл бұрын мұздатылған эмбрионнан дені сау бала туатынына сенімді болған жоқ едік, – дейді дәрігерлер.
Дереккөз: Хабар
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе