“Құдай-аууу, не боп кеткен…”. Сахнадан Қайрат Түнтековті көрген көрермен жылап қалды
Мен бүгін шын жыладым… Көптен бері бұлай көңілім босамап ед… “I’m singer” жобасына Қайрат Түнтеков жарқ етіп шыға келмесі бар ма? Күн жоқта ғана ғой жұлдыздың кісімси алатыны… Қайрат шығып еді, басқа ешкім көрінбей қалды.
Facebook қолданушысы Мәриям Әбсаттардың осылай басталатын жазбасы көптің көңілін қозғап, қызу талқыға түсіп жатыр.
“… Шын айтам. Құдай-ааау, Қайратты саxнадан көрмегелі қай заман?!..Сонау биікке самғап бара жатқан қыранды атып түсірсе, тірі қалғанымен, шалажансар күй кешпей ме? Байғұс Қайрат тура сол қыран секілді…
Шырқау биіктен шыңырауға бірақ құлады ғой… Депрессияға түсіп кеткені сонша, жындыxананың есігін де көрген секілді…
Сондағысы болмашы көлік апаты… 40 күнге қамап, мойнына 60 мың доллар іліп, ең бастысы абыройдан айырылатындай не жазды?
Оның зорын істеп жатқан Үсенов сияқтылар жүр ғой мысалы тайраңдап( Кім де болса Қайратқа сұмдық қиянат жасады)…
Бұлбұлды байлап тастап, қарғаларды мың жерден қарқылдатса да, бәрібір бір бұлбұлға татымайды ғой ешбірі?…
https://kaz.365info.kz/khazakhtyn-atyn-shygaram-khajrat-tyntekov-myhit-asyp-amerikaga-khonys-audarmakh-286723
Мейлі, саxнаны қоя берші, бүкіл тағдырына балта шабылды ғой байғұстың! Білуімше, әлі күнге үйленген жоқ.
Оның қасында күні кеше шыққан әншілер екі ән жазып, жеке концерт беріп, тіпті екінші рет үйлену тойын жасап жатқан жоқ па? Осының бәрін ойлап, ебіл-дебіл жылааап отырып көрдім бұл бағдарламаны.
“Мен сіздерді қатты сағындым” деп қояды, жаным-ау өзі сондай сүп-сүйкімді…
Қалай ғана қиянатқа қияды екен мұндай талантты? “Шын талантты қолдау керек, ал талантсыздар өздері-ақ шығады” деген рас қой…
https://www.youtube.com/watch?v=kGoGQ3LWK68
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе