Оңтүстікке кітабын сатуға келген Баян Мақсатқызы кеудесін ашқаны үшін сынға қалды.
Атышулы продюсер Баян Мақсатқызының елді шулатқан өмірбаяны оңтүстік өңірінің қыз-келіншектеріне де аян.
Автор алғашқы кітабын жарнамалау үшін жігіті Тұрсынғали Алагөзовті ала келіпті. Оларды оңтүстік жұрты ерекше сыймен таң қалдырды. Қарбыздың бетінде автордың аты ойып өрнектелген.
Кітабын сатып алушылармен суретке түсіп, қолтаңбасымен бөлісті. Жиналушылардың арасында Баян Мақсатқызының ашық-шашық көйлек киіп келгенін сынап тастады. “Не деген сұмдық. Қозғалса, кеудесі көрінеді” деген сөздер келген жұрттың арасынан көп естілді.
Ең қызығы, жиында шымкенттіктер продюсерді Баяннан аумай қалған арумен шатастырып жатты. Арасында одан қолтаңба сұрап мазасын алғандар да болды.
Шымкенттік Баянның есімі – Дамира Асылбекова. Жұлдызбен түйдей құрдас.
Үш баланың анасы атақты “сыңарының” өміріне қызығушылық танытпайды екен. Бүгінгі кешке өз шаруаларымен жүріп, кездейсоқ тап болған.
– Мені Баянмен жиі шатастырады. Бірақ оған ешқашан еліктемегем. Бірнеше рет, тіпті, әуежайда менен қолтаңба сұраған қызық оқиғалар да болған. Оған үйреніп кеттім. Баянға барып, “двойнигің” болайын деп айтсай”, деп, достарым әзірлейді де. Есентаева деп атайтын таныстарым көп. Өз басым оған тек əйел бақытын тілеймін, – деді әңгіме барысында “Шымкеттік Баян” Дамира Асылбекова.
Жұлдызды продюсердің айналасы күзетшілерге лық толы. Журналисттер жолатылмады. Баян Мақсатқызының елмен кездесуі екі сағатқа созылды. Кеш соңында атақты продюсер өзінің шаршағанын айтып, елмен қоштасты.
https://kaz.365info.kz/khyzymdy-khytajga-kyjeuge-berem-bayan-esentaeva-tagy-ne-dedi-271738