Қостанайда шенді пара алды деген күдікпен ұсталды

Қостанай облысында мемлекеттік кірістер департаменті экономикалық тергеу қызметі жедел басқармасының бас маманы – аға офицер С.Қозбақов ұсталды.

Оған 3 миллион теңге көлемінде пара алған деген айып тағылды деп хабарлады ҚР Сыбайлас жемқорлыққа қарсы күрес ұлттық бюросы.

Ұлттық бюро қызметкерлері С.Қозбақовтың араға Қостанай адвокаттар коллегиясының адвокаты Е.Мұхамеджановты салып, “Қазақстан темір жолы” ҰК” АҚ өңірлік филиалының өкілінің қылмысына көз жұма қарағаны үшін 3 миллион теңгедей пара алғанын анықтады.