Қостанайда бұзылған үйден әйел адамның денесі табылды.
Медициналық сараптама кезінде әйелдің тұншықтырылып өлтірілгені белгілі болды деп хабарлады облыстық прокуратура дерегіне сілтеме жасап, «Алау» телеарнасы.
Қазір бұл қылмысқа қатысты күдікті ұсталды. Оқиға 22-қазанда Қамысты ауданының Арқа ауылында болған. 22 қазан күні сағат 12:00-де аудандық ішкі істер бөліміне бұзылған үйде әйелдің денесінің жатқаны туралы хабар жеткен.
«Әйел механикалық асфиксияға ұшыраған, бас миы және өкпесіне зақым келген. Оның тұншықтырылғаны анықталды. 23-қазанда осы іске байланысты басты күдікті 33 жастағы ауыл тұрғыны ұсталды», – деді Қостанай облыстық прокуратура басқармасының бастығы Қайрат Жүсіпов.