Нұр-Сұлтан
Қазір
10
Ертең
7
USD
421
0.00
EUR
499
0.00
RUB
5.6
0.00

“Қорқып кеттім”. Алматыда лифтке қамалған зейнеткер өлім аузынан қалған

Демалыс күні болған оқыс жағдайды Байболат Баймаханбет қорқынышты түстей есіне алады. Зейнеткер жедел сатымен 5 қабатқа көтерілем деп жер төледен бірақ шыққан.

 

“Ойымда ештеңе жоқ, 5- ші қабатты бастым. Көтеріліп келе жатырмыз төртінші қабатқа барғанда лифт тоқтап қалды. Диктордың түсініксіз шет тілде даусы шықты. Түсінбедім. Сосын лифт төмен түсті. Есікті тақылдатып құтқарыңдар деп айғайладым”, дейді зейнеткер Байболат Баймаханбет.

Жарты сағат жатып, көмек болмаған соң Байболат есікті итеріп амалдап лифттен шығады. Бірақ одан жағдай оңалмады. Жеделсаты істемейді, ал сыртқа шығатын есік жабық. Енді ол жертөледе қамалып тағы біраз жатқан. Оны ұялы телефонына түсіріп алыпты.

Бұл үйдің әр подьезінде екі жедел сатыдан бар. Тұрғын үй пайдалануға берілген бір жылдың ішінде екеуі бірге ешқашан жұмыс істемеген. Біреуі істесе екіншісі міндетті түрде бұзылып тұрады. Ал зейнеткердің зәресін алған лифт мына үлкені. Қазір техникалық тексеріске байланысты тоқтап тұр. Қашан қосылатыны белгісіз.

17 қабатты тұрғын үй пайдалануға былтыр ғана берілген. Әлі парикнгі де толық жөнделіп бітпепті. Сырты жылтырап жатқанмен үйдің лифті алғашқы күннен-ақ дұрыс істемейді екен. Ал көбісінің ішінде төтенше жағдайда не істеу керек екені де жазылмаған.

“Бұл енді апта сайын бұзылып тұрады ғой. Тоқтап қалады. Әйелім бар екі қабат 10 қабатқа түсіп-шығу қиын”, дейді Ажан Шадат, Алматы қаласының тұрғыны.

Жоғары қабатқа шығып түсуі мұңға айналған тұрғындар прокуратура, әкімдікке де шағым қалдырыпты. Жұмысына салғырт қарайтын ПИК төрағасы болса ешкімді елейтін емес. Тіпті өлім аузынан қалған зейнеткерге бұзылған лифттің шығынан өтетпекші ойда. Жедел сатының жұмысына жауапты компания да өзіне шаң жуытпай отыр.

“Негізі лифт ешқашан да құламайды. Оны ұстайтын құралдар болады. Кешегі лифтте болған жағдайда ер кісі өз еркімен шығам деп өзіне кедергі ұйымдастырды.Диспетчерге хабарласып өз өзін ұстап күтуі керек еді”дейді, Рамазан Сейдаш, LIFT-ENGINEERING КОМПАНИЯСЫНЫҢ ЗАҢГЕРІ:

Зейнеткердің зәре құтын қашырған жедел сатының мәселесі енді сотта қаралуы мүмкін. Себебі Байболат Баймаханбет құзырлы органға арызданбақ. Айта кетерлігі Алматыда 3,5 мың лифт болса оның 1,5 мыңы жөндеуді қажет етеді екен.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз