Қорғаныс министрлігі алқасының көшпелі отырысында әскерді дамытудың басым бағыттары белгіленді

Бас штаб бастығы, Қорғаныс министрінің бірінші орынбасары генерал-лейтенант Сұлтан Қамалетдинов жауынгерлік және жұмылдыру дайындығының жай-күйіне тоқталды. Ал тәрбие және идеологиялық жұмыстар жөніндегі министр орынбасары генерал-майор Шайх-Хасан Жазықбаев әскери тәртіп пен құқықтық ахуал бойынша баяндама жасады.

Отырыста әскери міндеттілердің жиынын ұйымдастыру, резерв жүйесін жетілдіру, әскери бөлімдердегі тәртіпті сақтау және құқықбұзушылықтың алдын алу сынды мәселелерге де айрықша назар аударылды.

Кездесу қорытындысында Қорғаныс министрі командалық құрамға нақты тапсырмалар жүктеді. Атап айтқанда:
 • ұшқышсыз ұшу аппараттарын басқару операторларын даярлау,
 • тактикалық барлау міндеттерін пысықтау,
 • жауынгерлік және арнайы дайындық сабақтарын ұйымдастыру,
 • инженерлік-саперлік бөлімшелердің кәсіби шеберлігін арттыру,
 • қауіпсіздік шараларын күшейту,
 • қарумен жұмыс істеу талаптарын қатаң сақтау.

Министрлік әскердің жауынгерлік дайындығы мен тәртіп деңгейін одан әрі көтеруді басты мақсат етіп отыр.