Жамбыл облысының Қордай ауылында тонаушылардың қолынан соққыға жығылған 68 жастағы зейнеткер қайтыс болды.
Бұл туралы Baq.kz хабарлады.
Қордай аудандық ауруханасына 20 шілде күні тонаушылар ұрып-соққан ер адам келіп түседі. Сол күні сағат 22.00 шамасында ағаш сойылмен қаруланған екі қарақшы зейнеткердің үйіне кірген. Оны соққыға жығып 100 мың тееңгесі мен 500 еуросын алып кеткен.
Еске сала кетсек, Жамбыл облыстық ІІБ 20-29 шілде аралығында Қордай ауылында тұрғындардың үйлеріне қарақшылық шабуыл жасалғанын хабарлады.
Тонау 20, 21, 29 шілдеде болды. Қарақшылық әрекеттің құрбандары негізінен егде тартқан адамдар.
«Қарақшылық шабуылдар фактісі бойынша ҚР Қылмыстық кодексінің 192-бабы 2 тармағына сәйкес сотқа дейінгі тергеу ісі басталды», – деп хабарлады Жамбыл облыстық ІІБ баспасөз қызметі.