КХДР Оңтүстік Кореямен келіссөздер өткізуге келісті
КХДР қарым-қатынасты жақсарту мен спортшыларының Пхенчхандағы Олимпиадаға қатысу мүмкіндігін талқылау үшін 9 қаңтарда Оңтүстік Кореямен келіссөз өткізуге келісім берді.
Бұл туралы бүгін Корей Республикасының ұлттық бірігіу істері министрлігі мәлімдеді, – деп хабарлайды РИА Новости.
Жаңа жылдық жолдауында КХДР басшысы Ким Чен Ын Пхенчхандағы Олимпиадаға сәттілік тілеп, оған Солтүстік Корея спортшыларының қатысуына үміт білдірген. Осыған қатысты Оңтүстік Корея келіссөз өткізуді ұсынды. Келіссөздер демилитаризацияланған аумақтағы Пханмунджом келіссөздер пунктіндегі “Бейбітшілік” үйі атты ғимаратта өтеді.
Оңтүстік пен Солтүстік келісімге келген жағдайда екі тарап та Халықаралық олимпиада комитетімен келіссөз өткізу керек болады.
Соңғы рет КХДР мен Корей Республикасы арасындағы келіссөз 2015 жылы желтоқсанда өткен болатын.
kaz.tengrinews.kz
Фото: © golos-ameriki.ru
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз